-Gaixotasun luze batek eraman du Juan Mari Bandres abokatu gipuzkoarra

- Patxi Lopez: "Egun bizi dugun egoeran, erreferentea izan da guztiontzat"

- Gaixotasunak garaitua

A. Galletebeitia



Juan Mari Bandres Euskadiko Ezkerrako sortzailea eta presidente ohia hil zen ostiralean, urriak 28, Donostian. 79 urte zituen eta gaixotasun luze baten ostean zendu da. Ibilbide luzea izan zuen politikan; diputatua, senataria, parlamentaria eta eurodiputatua izan zen. Burgoseko prozesuan ere parte hartu zuen.

Giza eskubideen alde eginiko lanagatik hainbat sari jaso zituen, horietako batzuk nazioartekoak. Sari horien artean Olof Palme saria jaso zuen. Azkena, Eusko Jaurlaritzak lan onaren saria eskaini zion 2009an. Ordurako gaixo zegoen eta ezin izan zuen berak jaso oroigarria.

Haren ibilbidea askok goraipatu dute, lehendakariak berak, esate baterako. “Bakearen eta askatasunaren alde egindako lana” azpimarratu du. Guztiontzat erreferente izan dela esan du Patxi Lopezek, eta are gehiago, egun bizi dugun garai berrian.

Patxi Lopez: "40 urteko indarkeria ezin da arrapaladan hamar egunetan konpondu"

A. Galletebeitia



Euskadiko alderdi sozialistak batzorde nazionalaren bilera berezia egin du gaur. Lehena ETAk indarkeriaren behin-betiko amaiera iragarri zuenetik. Bertan lehendakariak hainbat gauza esan ditu, horien artean, ETA ez dela nahita gelditu, sozialistek eta milaka herritarrek derrigortu dutela gelditzera.

Lehendakariak dio ez dutela onartuko abertzaleen asmo partikularrak Euskadi berdinak diren bi zatitan banatzea. Kontrakoa da Lopezen asmoa, guztiek bat eginda bizitzea, kontsensua eta elkarrizketaren bidetik. “Aurrera egin beharra” dagoela esan du lehendakariak, baina “presarik gabe, 40 urteko indarkeria ezin delako arrapaladan hamar egunetan konpondu”.

Lehendakariari ez zaio bat ere gustatu ETAren amaieraren ostean alderdi abertzaleek erakutsitako jarrera. Autodeterminazioa eta erabakitzeko eskubidea bezalako gaiak berriro mahai gainean jartzeak “zatiketa baino ez luke ekarriko” Lopezen ustez. Horren aurrean, herritarren batasunaren aldeko apustua egiten du berak.

Likona eta Gojenola lekeitiarrak libre geratuko dira fidantzapean

A. Galletebeitia



Gaizka Likona eta Zuriñe Gojenola lekeitiarrak etxera doaz fidantzapean. Likonak 12.000 euroko fidantza ordaindu beharko du eta 10.000 eurokoa Likonak. Beraien familiak dagoeneko fidantzak ordaintzen dabiltza. Epaitegitik pasatuko direla ere jakitera eman dute. Gaur arratsaldean edo bihar goizean geratu daitezke libre bi gazte lekeitiarrak.

Gaizka Likona, 2010eko maiatzaren 6an atxilotu zuten Lapurdin beste hiru gazterekin batera. Segi gazte mugimenduaren kontra egindako polizi operazioaren baitan egin zituzten atxiloketak. 2009ko azaroan, Espainiako Polizia eta Guardia Zibilak lau gazteak atxilotzen saiatu ziren baina ez zuten lortu. “Bizitza erabat publikoa eta normala” egiten saiatu ziren arren, harrapatu egin zieten.

Zuriñe Gojenola, 2010eko ekainaren 10ean atxilotu zuten Erroman (Italia), Fermin Martinez eta Artzai Santestebanekin batera, Segiko kide izatea egotzita. Erroman espetxeratuak izan ziren, urriaren 15an euro-agindua onartu zutenera arte. Auzitegi Nazionalak hirurei leporatzen zieten “erakunde terroristaren kide” izatea.

Hamalau urtez zintzilik zegoen kartela kendu dute Bizkaiako Foru jauregiko balkoitik

Aintzane Gabilondo

Bizkaiako Foru jauregiko balkoitik zintzilikatuta zegoen “Bakea behar dugu” kartela kendu dute, ETAk behin betiko etena iragarri du eta.

Bizkaiko diputatu jeneralak, Jose Luis Bilbaok, Jose Alberto Pradera eta Josu Bergarak kendu dute kartela, hamalau urte bertan eman ondoren. Ekitaldia txalaparta hotsen artean eman da. Gobernu Foraleko kideak, Juntetako presidentea den Ana Madariaga eta juntetako talde guztiak egon dira.  Bildu ez da izan.

“Memoria” sor dietela eta sufritu duten min guztia berain oroimenean geldituko dela adierazi du Jose Luis Bilbaok. Gehitu duenez, hemendik aurrera “denoi tokatzen zaigu gure gizarteak behar dituen hiru zutabe nagusiak: gizartearen ongizatea,  bizikidetza definitzen dituen baloreak eta etorkizun ekonomiko arrakastatsu eta bideragarria lortzeko lan egitea”.

Lopezek Gobernuarekin kolaboratuko du ETAko presoak birsozializatzeko proiektuan

 

Aintzane Gabilondo

Lopezek Iñigo Urkullu, EAJko presidentearekin eduki duen batzarrean argitara eman du bere bilera erronda nolakoa izango den.

Batzarrean Lehendakariak, Espainiako Gobernuarekin “kolaboratuko” duela aurreratu du, ETAko presoak birsozializatzeko proiektuan .  Lopezek proiektuarekin aurrera jarraituko duela adierazi du, beti ere, “indarrean dagoen legalitatean eta demokrazian integratzeko nahia erakusten badute”.  

Lehendakariak indar politiko eta sozialekin akordioak lortzen saiatuko dela adierazi du. Halere, honek dioenez, Espainiar hauteskundeak  duten testuinguruak “zailtasunak gehitzen dizkio beharrezkoak diren erabakia bateratuak hartzeko”. 

Lopezek, Politika orokorreko plenoan Euskal Parlamentuak aurkeztu zuen dekalogoa defendatzen duela jakinarazi du. 

Lehendakariak,  prozesu honetako “urgentzia desegokiak” ukatu ditu “berrogehi urte baino gehiagoz momenturen zain egon diren pertsonek biolentziaren benetako desagertze definitiboa frogatu dezaten”

Berri bat, titular ezberdinak eta milaka iritzi

A. Galletebeitia

Atzokoa letra larriz idatzi beharreko dela ikusi dugu gaur egunkarietan. Egunkari guztietako titularra da. Denek irakurri nahi dutena. Kioskoetan, estankoetan zein okindegietan egunkari asko bukatu egin dira.

Amaiera, bakea, aro berria… horiek izan dira egunkarien azaletan gehien nabarmendu diren hitzak. Baita hildako biktima gehienen izenak ere.

Berriako titularrak honela dio: “ETAk armak utzi ditu”. Aldiz, El Mundoren azalean “ETA alardea de sus asesinatos y emplaza al Gobierno a negociar” irakur daiteke, hau da, ETAk harro dagoela egin duten hilketa guztiez eta  Gobernuari dei egiten diola negoziatzeko.

Ez dabil beste konturik kalean. Hori bai, titularretan bezala, denetariko iritziak daude; “sasoia” dela diote batzuek, besteek berriz, sinesgaitzago daude.

Egun berri bat, aro berri bat

A. Galletebeitia

Hogeita lau ordu ere ia ez dira pasa hitzok jaso genituenetik eta ETAk eginiko adierazpena bezain garrantzitsua da urrats horrek jaso duen erantzuna.

Aro berri bati ekiteko lehendakariak guztiekin hitz egin nahi du. Estatu Batuetatik etorri eta goizean premiazko bilera egin du lehendakaritzan.

Bileraren ostean, lehendakariaren hitz nagusia “elkarrizketa” izan da. Lehendakariak, Gobernua eta Bilduren ostean hitz egin du prentsa aretoan. Bertan elkarrizketa txanda bati ekingo diola iragarri du. Elkarrizketa txanda “berehala” hasteko asmoa du Patxi Lopezek. Alderdi politiko guztiekin hitz egin nahi du, baita koalizio politikoekin ere eta, beraz, baita Bildurekin ere.

“Heldu da egun handia. Euskaldunon amets gaiztoa amaitu da. ETAk bere porrota onartu du, eta hau demokraziaren eta askatasunaren garaipena da”, esan du Patxi Lopez lehendakariak prentsa aretoan.

ETAk bere jardun armatuaren behin-betiko amaiera iragarri du

M. Ezkerro

Gaur, arratsaldeko zazpiak inguru, Euskadi Ta Askatasuna erakunde armatuak bere jardun armatuaren behin-betiko amaiera iragarri du.

Publiko egindako komunikatuan, ETAk jakinarazi nahi zuen Euskal Herrian burututako Nazioarteko Konferentzia <<garrantzi politiko handiko ekimena dela>>. Hurak, <<gatazkaren konponbide osorako osagaiak biltzen ditu eta nazioartearen eta euskal jendartearen sektore anitzen babesa du>>.

Aldi berean, Euskal Herrian mendetako gatazka politikoari konponbide <<justu eta demokratiko>> bat emateko, aro politiko berri bat zabaltzen ari dela adierazi du. <<Elkarrizketak eta akordioak>> ezaugarritu behar dute aro berria, antolakunde armatuaren ustetan.

<<Ez da bide erraza izan>>

<<Borrokaren gogorrak>> betirako, espetxetara edota erbestera eraman dituen lagunei, ETAk <<aitortza eta omenaldirik sentituena>> eskaini nahi izan die. Halaber, oraindik dirauen zapalkuntza eta errepresioaren aurrean jazotako lorpen bakoitza <<euskal herritarren ahalegin eta borrokaren emaitza>> izango dela dio.

Horrela, ETAk <<jarduera armatua behin-betiko amaitzea erabaki du>>, Espainia eta Frantziako gobernuei dei eginez, konponbidea gauzatzeko elkarrizketa prozesua zabaldu dezaten. Era berean, ETAk euskal gizarteari dei egiten dio honako prozesuan parte hartu dadin, <<bake eta askatasun agertoki bat sortu arte>>.

Urrutiko intxaurrak hamalau, bertara joan eta lau

Arte Ederretako fakultatean zegoen Ekinbus autobusa goizeko bederatziak inguruan. Ordutegiak direla eta, bertan ez zeuden ekintzaileak eta ezin izan da jendearen ikusmina bizi. Baina aipatzekoa da atzo eguerdi inguruan, Odontologiako fakultatean zegoen jende kopurua.

Emprendebus- ekinbus autobusa atzo  heldu zen Leioako Campusera eta Odontologiako fakultatuan egon zen.  Gaur berriz, Arte Ederretakoan aurkitu dugu. Bihar ere bertan egongo da eta 20 eta 21 bitartean Mikel Laboa Plazan egongo da.

.   

Autobus hau, Emprendedores-zitek elkarteak sortu duen programa baten zati da. Bizkaiko Campuseko unibertsitate- komunitateari negozio edo enpresa bat eraikitzen laguntzen duen programa da.  

Zitek mintegiak bi helburu ditu programa honekiko; alde batetik unibertsitate komunitatean kultur ekintzailea bultzatzea eta bestetik, enpresa berri eta oinarri teknologikoak lortu ditzaketen ikerketei laguntzea.


Bertan zeudenen erantzuna; “Egia esan ez dakit zergatik dagoen hor, badakit emprendedoresek bultzatzen duela baina ez dakit zertarako”. Hori izan da bertako erantzun ohikoena.Gehienek proiektua zertaz doan ez badakite ere, esan beharrekoa da, programak fakultate guztietan esku-orriak banatu dituela, programaren helburu eta ekintzak azalduz

Ekintzan parte hartu izanagatik sarituak egongo dira. Autobusa eta programaren inguruko ekintza eta ekintzaileak 11.00tik 15.00rarte egongo dira ikusgai Arte Ederretako Fakultatean. Hurrengo egunetan ere ordutegi berbera izango du.

Istiluak, zaurituak eta atxilotuak Erroman

 M. Ezkerro

Kaosenlared.net-en twitterrak honela dio: “Disturbios y enfrentamientos con la Policía en las manifestaciones de Roma: Un grupo de entre 30 y 40 jóvenes...”. “Haserretuen mugimenduak” edota U-15 mugimendua bezalaxe ezaguna den ekimenak pasa den larunbatean mundu osoko hirietan antolatutako manifestaldiak zirela eta, Erroman hainbat istilu izan ziren.

Berri agentzien arabera, 30 eta 40 arteko gazteren eskutik gertatu ziren istiluak. Barne-arazoetako Ministerioan sartu ziren hainbat enfrentamendu sortuz. Defentsa Ministerioan sartzen saiatu ziren, bertara paperezko lehergai bat jaurtiz. Azkenik, Ogasun Ministerioan etxeko lehergailu bat lehertarazi zuten.

Manifestaldian istiluak konstanteak izan ziren “gazteen” eta Poliziaren artean. “Bloke beltzak” bezala ezagutzen da talde hori eta auto, denda eta kutxazain automatiko anitz saboteatu dituzte. Zauritu bat eta lau atxilotu izan dira “Corriere della Sera” egunkariaren arabera.

Deia.com-eko Josetxu Rodriguezek hitzaldia eman du EHUko Gizarte eta Giza Zientzien fakultatean

Gizarte eta Giza Zientzietako fakultateko KAPUKO 31 taldeak, Deia.com-eko arduraduna den Josetxu Rodriguezen hitzaldia entzuteko plazera izan zuen urriaren 11, asteartean. Mintzaldia goizeko 10:00etan hasi zen 41. ikasgelan eta ordu bete baino gehixeago iraun zuen. Bertan hainbat ikasle batu ziren zerbait ikasteko asmoz.

   Nahiz eta hitzaldia erdaraz izan, ikasleek ongi ulertu zuten lan gogorra dela prentsa digitalean aritzea gaur egun. “Kazetari multimediatikoaren garrantzia” azpimarratu nahi izan zuen Rodriguezek, egungo erredakzio digitaletan “edozein arlo mediatikoan” (artikuluak, bideoak, argazkiak...) aritu ahal izatea.

Aldi berean, egunkari digitalen aurpegi txarrena azaldu nahi izan zuen Rodriguezek. “Betebeharreko egunerokotasunak etengabeko ardura” eta albisteak berritze prozesua antolatzera behartzen ditu kazetariak. Horregatik gertakari bat gertatu bezain pronto, egunkariak haren berri izango du, eta ondorioz, haren irakurleek.

Libre gelditu dira argazki etarrak zintzilikatu zituzten kaskagorriko sei kide

                                                                                                                     

 A.Gabilondo

Kaskagorri konpartsako 19 kidek deklaratuko dute Ismael Moreno, Audientzia Nazionaleko epailearen aurrean. 2005,2006,2007 eta 2009 urteetan Bilboko aste nagusiko txosnetan zintzilikatu zituzten preso politikoen argazkiengatik daude akusatuak. 19 kideei “terrorismoa gorestearen”  delitua leporatzen zaie.

Epaileak aske utzi ditu kautelazko neurririk gabe lehen sei akusatuak.  “Bistakoa bazen ere organizazio armatuaren gorespen bat zela, ezin liteke frogatu delituaren autoreak kaskagorrikoak izan zirenik” adierazi zuen epaileak. Halere, akusatuak berriro ere deklaratu dezaten hirugarren sekzioko zigor aretoak kasua berriz irekitzeko eskatu du.

Epaileak jakinarazi duenez, akusatu gehiago itauntzeko asmoa dauka. Bihar zazpi akusatu eta hurrengo asteazkenean beste zazpi daude deituta deklaratzeko.



Bake Konferentziak ETAren amaiera eskatzen du

                                                                                                                     

 A. Gabilondo

Donostiako Aieteko Bake etxean bildu dira Bakearen Aldeko Konferentziara etorritako kide guztiak ETAren amaitzea eskatzeko. Bertara Jesus Egiguren eta Carlos Totorika (PSEko ordezkariak) eta Donostiako alkatea, Juan Karlos Izagirre, eta Gipuzkoako diputatu nagusia, Martin Garitano (Bilduko kideak) hurbildu dira.

Guztira 50 bat partaide elkartu dira Aieteko Bake etxeko Gandhi salan. Bertan, eguerdiko ordu-bietatik gutxi gora behera, Euskadiko egoeraz eztabaidatzen ari dira. Bake aitormena lortzeaz gain, Banda terroristaren disoluzioa eta  Gobernu espainiar eta frantsesaren esku hartzea lortu nahi dute.  

Konferentzia Lokarri, (Akordioaren, kontsultaren eta berradiskidetzearen elkartea) elkarteak antolatu du. Konferentziara  politika esparruko adituak eta hainbat politikari zeuden deituta. Aipatzekoa da, Euskal Herriko gobernuak eta gobernu espainiarrak ez duela parte hartuko ekitaldian.

Hainbat aditu egon dira ekitaldian: http://www.lasalledonostia.com/modules.php?op=modload&name=News&file=article&sid=3450&mode=thread&order=0&thold=0 

Bake prozesuaren aldeko eragileak Donostian bilduko dira

M. Ezkerro

Gaur Donostian normalizazio prozesuaren aldeko eragileak bilduko dira. Konferentzia Aieteko Bakearen Etxean izango da. 14:00etan hasi eta 17:00etan bukatuko dute, haien adierazpen eta ondorioak hedabideen bidez aditzera emanez.

GatazkarenKonponbidea Sustatzeko Nazioarteko Konferentziak itxaropena piztu du euskal jendartearengan. Hainbat eragilek haien atxikimendua adierazi dute konferentziarengan. Beste batzuek, aldiz, haien gorrotoa adierazi dute.

Gerry Adams, KoffiAnnan edota Bertie Ahern bezalako pertsonaiak Donostian izango dira bake prozesuan parte hartzeko. Eta askoren ustez ez da hutsean izango haien presentzia.

Esan bezala, mundu osoko hainbat eragilek Konferentziarekiko haien babesa adierazi dute, Eusko Jaurlaritza ez bezala. Lopezen arabera, demokraziak ez ditu konferentziarik behar “ETA menderatzeko” eta gaur egungo egoera “Zuzenbide estatuaren irmotasunaren ondorio” dela.

Euskal Finantza Kontseiluak lehenbiziko bilera izan du

A. Galletebeitia

Aldundi berriak eratu zirenetik lehen bilera izan dute gaur Euskal Finantza Kontseiluak Lakuan, Gasteizen. Bilera goizeko 11:00etan hasi da eta oso luze jo du gai garrantzitsua izan baitute mahai gainean.

Jaurlaritza alde batetik eta hiru aldundiak bestetik. Euren mahai gainean Euskadiko diru kontuak, eta eszenatokia krisi ekonomiko.

Izan ere, bilera honetan, euskal erakundeek aurten zenbat diru bildu duten zehatz-mehatz zehaztuko dute eta itxura denez, espero baino nabarmen gutxiago izango da kopuru hori, 700 milioi gutxiago bai behintzat.

Bilera beran, datorren urtean zer bilduko duten aurreikuspena ere lotu egin dute Jaurlaritzak eta Diputazioek.

Ibon Iparragirre barroteetatik kanpo gera daiteke

A. Galletebeitia

“Ibon Iparragirre behin behinean aske gera daiteke”. Honela dio Berria egunkariko twitterrak. Izan ere, euskal preso Ondarrutarraren osasun egoera larria dela eta, aske uzteko erabaki du Espainiako Auzitegi Nazionalak. Presoaren Abokatuak azaldu duenez, beste kausa bateko hiru urteko zigorra konplitzen ari da. Aldiz, albiste agentziek diote, Basauriko espetxeak zigorra etxean burutu dezan proposatu duela.

Zigor hori etxean betetzen badu, Iparragirrek hilean birritan joan beharko du epaitegira, albiste agentziek epaitegietako eta poliziaren iturriek diotenez.

Gernikako Akordioaren ordezkaritza bat Gurutzeta Ospitalean izan da gaur goizean presoa bisitatzeko asmoz, baina ez diote utzi. Ezker abertzaleko kide den Tasio Erkiziaren esanetan: “Arduragabekeria da presoarekin egiten ari direna”.

Chaconek Libiako caza F-18-en erretiratzea deitu du

A.     Gabilondo

Carmen Chacon, Espainiako defentsa ministroak, Libian “Unified Protector” misioan ziharduten  lau caza F-18en erretiratzea deitu du. Ministroak, erretiratzea Trantzisioko Batzorde Nazionalak lurraldearen gehiengoa kontrolatu ondoren deitu du. 

F-18 hegazkinak larunbatean bueltatuko dira Espainiara baina prest egongo dira, Libian gertatzen den edozein egoeraren aurrean berriro ere misiora bueltatzeko. 

Chaconek Libiako misioan jarduten zuten aginteekin eduki duen elkarrizketan, bere lanari esker,  Trantsizio Batzorde Nazionalak lurraldearen gehiengoz kontrolatzen duela azpimarratu du. Gehitu duenez, honi esker itxita zeuden aireportuak berriz ere martxan jartzea eta zibilen hegaldiak areagotzea ahalbidetu du. 

Ministroak jakinarazi duenez,  Espainiak Libiako misioan dituen beste unitateak mantentzeko intentzioa dauka. Horien artean,  hegaldian bertan hornitzeko bi hegazkin, fragata bat eta itsasoko patruila bat daude.  

Bildu independentisten alde

A. Gabilondo

Bilduk, Independentistek urriak 19rako deitutako manifestazioari bere eraspena adierazi nahi dio eta Euskal herriaren independentzia aldarrikatzeko manifestazioan parte hartzeko eskatu du. 

Alderdiak ,talde abertzale guztiei eta independentzian sinesten duten euskal hiritar guztiei animatzen die manifestaziora joan eta aukera politiko erreal eta baliozkoak aldarrikatzen. 

Nazio eraikuntza eta erabakitzeko eskubidea, inposaketa eta debeku guztien gainetik daudela, eta herrialdeak bere “prozesu politikoa” erakutsi duela adierazi du alderdiak. Bilduk azaldu duenez, independentistek “Normalizazio politikoa” eta “demokrazia” eskatu dute honela, proiektu politikoak beste proiektu askoren baldintza “berdintsuak” eduki eta herritarrei aukera politiko guztien artean nahi dutena hautatzen uzteko. 

“Independentzia aldarrikatzea ez da eremu politikora mugatzen, alor sozioekonomikora ere zabaltzen da, batez ere sistema publikoa eta familiak estutzen dituen krisi ekonomikoan” azaldu du Bilduk.

Torturatuen senideek pankarta zuriarekin Marlaska jaso dute

M. Ezkerro

Iruñean, Auzitegi Nazionaleko Fernando Grande-Marlaska epaileak etika judizialari buruzko hitzaldi bat burutzen izan da. Mahai borobil bat izan da hitzaldi burutzeko modua, “Ética y Equidad. Toma de Decisiones” lelopean.

   Nafarroako torturatu askoren senideak hitzaldia ospatzen zen hotelaren aurrekaldean izan dira Marlaskaren agerpenaren kontrako protesta bat burutzeko prest. Aldi berean, senideek pankartan islaturiko galdera epaileari transmititu nahi izan diote: “Marlaska, inkomunikatzea eta torturatzea justizia etikoa al da?”.

   Torturatuen senideek ez dute aukerarik izan pankarta ageri zen galdera epaileari transmititzeko edota idatzita agerian uzteko. Polizia espainiolak senideei debekatu diete 20 pertsona baino gehiagoko taldetan batzea eta pankarta erakustea. Beraz, elkartasunaz baturikoek 19 pertsonetako taldetan batu egin ziren pankarta atzeko aldetik erakutsiz, zuriz zegoena.

   Euskal Herrian gauzatzen diren torturak salatzeko arduraduna Jose Maria Compains abokatua izan da, “erabat seguru” dagoela poliziaren eremuetan “tortura kasu oso larriak existitzen” direla.