Kontsumismo masiboa

M. Ezkerro

<<Gabonetan, jende gehiago etortzen da erosketak egitera>>, dio Media Markteko Janirek.

Urtero bezalaxe, gabonak hurbiltzen diren heinean saltokien kutxak betetzen doaz. Bizi garen gizarteak kontsumitzera behartu gaitu txikitatik. Sarritan kontsumistak ez garela aitortzen dugu baina inkontzienteki espiritu kontsumista hori aditzera ematen dugu une puntualetan.

Inorentzako ez da erosoa bere burua kontsumista izendatzea, baina hala da, guztiok gara kontsumistak. Gabonetan egiten diren erosketa masiboak baino, besterik ez da ikusi behar gizartearen balore hori argi eta garbi antzemateko. Senideentzako opariak, elikagaiak edota kapritxo soilak erostera bultzatzen gaituzte gabonek, batzuetan gehiegizko erosketak eginez.

Horrelako erosketa masiboak egiteko, familiak saltokietara jotzen dute eta askotan merkataritza-gune handietara zuzentzen dira. Bertan era anitzeko saltokiak aurkitu ditzazkete, produktu ezberdinak eskeintzen dituztenak eta bata bestearen ondoan daudelarik. Esaterako, Gasteizko Boulevard-ean familiek gabonetako erosketak egiten dituzte: Eroski, Media Markt, H&M, Natura, Leroy Merlin, Abac, Forum eta abarren moduko saltokiak aurkitzen dituzte. Askok bertan egun osoa ematen dute. Esaterako, goizean begiradatxo bat eman ostean, merkataritza-guneko jatetxe baten batean bazkaldu eta arratsaldean erosketei ekiten diete. Eguerdiko 12etatik arratsaldeko 8ak arte, gune itxi batetik atera gabe semeak aspertzen badira, goiko pisuan Baskoniaren jolas-gune bat aurkituko dute.

Saltoki ezberdinen langileek informazio baliagarria eskeini dute kontsumismo masibo honen inguruan. Esaterako, Eroskiko Cristinak  adierazi du, <<data hauetan jende gehiago>> joaten dela erosketak egitera. Izan ere, supermerkatura sartu aurretik jende pilo bat pasabideetan multzokatzen da, batzuek besteei haien erosketen berri emateko: bakoitzak norgehiagoka. <<Gabonetan afariak eta bazkariak egiteko elikagaiak erostera etortzen dira>>, adierazi du Cristinak. Gabonetan ospatzen diren bazkariak eta afariak prestatzeko beharrezkoak dira, noski, jakiak eta edariak. Horretarako, jendeak erosketa soil batean 200 euro utzi ditzazke bakarrik elikagaiak eta edariak erosiz, familia oso zabalda baldin ez bada. Gehien saltzen diren produktuak <<arrainak, haragia eta txikitxoentzako jostailuak>> dira, Cristinaren arabera.

Teknologia ere izan daiteke gehien kontsumitzen produktuetako bat. Ordenagailuak, telebistak, mp3-ak, iPod-ak, diskak, argazki eta bideo-kamerak egon daitezke teknologia eskakizunen artean. Jendeak gehienetan teknologia-denda handietara jotzen du opari teknologikoen bila, prezioak merkeagoak direlakoan. Media Markteko Janirek guzti hau argitu nahi izan digu: <<Gabonetan, jende gehiago etortzen da erosketak egitera. Teknologia beti gabonetako oparien artean aurkitu daiteke>>. Eta egia da. Ia familia guztietan agertzen da aparatu teknologiko baten bat edo umeek beti eskatzen dute horrelako zeozer: nintendo DS, Play Station 3, xBox 360, Wii... Baina azken boladan oparitzeko gehien saltzen den teknologia teknologia berriak dira. <<Teknologia berriak gehien saltzen diren produktuak dira>>, dio Janirek.

Era berean, kultura oparien artean beti dago presente. Kulturaz hitz egiterakoan liburuak, aldizkariak, musika eta filmak aipatu ditzazkegu, ez baikara soilik lehenengoetara mugatu behar. Izan ere, jendeak era anitzeko kultura oparitzen du. Liburu konbentzionaletatik, liburu elektronikoetara. Elkarreko Pilik honakoa esan digu: <<Krisia izan arren, nabaritu dugu jendeak ondo erantzuten ari dela gabonetako kanpainiari. Jendeari gustatzen zaio liburuak oparitzea>>. Gehien eskatzen diren produktuen artean aipagarriena narratiba da. <<Puri-purian>> dagoen gaia da, dio Pilik, Ruiz Zafon eta Isabel Aiende erreferentziatzat hartuta. <<Autolaguntzako eta euskarazko liburuak ere eskari handia dute>>, aitortu du Pilik. Izan ere, azken zubian izan den Durangoko azokan, <<espero ziren nobedade asko>> argitaratu dira. <<Aktualidade politikozko liburuak, musika nobedadeak eta DVDak>> ere asko oparitzen dira, haur literatura bezala.

<<Liburua beti presente dago gabonetako oparien artean>>, adierazi du Pilik. Urtean zehar ere, kontsumo igoerak topatu ditzazkegu: <<esaterako, deskontuak direla eta, liburuaren egunean>>. <<Jendeak gehio irakurtzen duen denboraldia uda da. Oporrak dituztenez, hondartzara, igerilekura, etxean edo bidaian irakurtzeko. Salmentek gora egiten dute>>, dio Pilik. <<Esan beharra dago, bono-kulturak gabonetan erostera animatzen duela>>. Bono-kultura Eusko Jaurlaritzak kultura sustatzeko eskaintzen duen diru-laguntza da. Elkarreko Mikelek azaldu digu zertan datzan: <<Bono-kultura duela hiru urte hasi zen eta onarpen handia izan du. Izan ere, 25 eurorekin 40 lortzen dituzu>>. Esan den bezalaxe, diferentzia ekonomiko hori Eusko Jaurlaritzak aportatzen du. <<Honekin, kulturaren kontsumoa handiagotu egin da>>, dio Mikelek. <<Bono hauek Vitalen, Kutxan edo BBKn lortu daitezke>>.

Ikus daitekenez, gabonetako denboraldian kontsumoa piztu egiten da, gizarte kontsumistari erosteko askatasuna emanez. Batzuek urte erdiko soldata gabonetan galtzen dute, beste batzuek, aldiz, ez dute ezta eguberriko edo gabonzaharreko afaria ordaintzeko dirurik ere. Bakoitzaren esku dago burutzen duen kontsumo-maila, bakoitzaren esku dago bere poltsikotik zenbat diru atera edo krisi honi aurre egiteko zenbat diru gordetzea. Bakoitzaren esku dago kontsumista izatea edo ez.

Lagun artean laguntzen

Boluntarioek, Caritas eta kristau elkarteak osatzen duen elkarteak 25 urteko lanarekin aurrera jarraitzen du, proiektua handitzen, meta berriak aurkitzen, eta helburuari ondo eutsiz, laguntza eskaintzen. 

Aintzane Gabilondo

Geroz eta etorkin gehiago datoz Euskal Herrira, gainera krisi garaiak  hauek ikusita, argi dago beharrezkoa dela beste batzuen laguntza jasotzea. Lagun Artea elkartean gehien behar dutenei laguntza eskaintzen diete 1983. Geroztik boluntario eta finantza elkarteek lanean dihardute gehien behar dutenei laguntzen .

Poliki poliki hazten

Lagun Artean elkartea duela 25 urte sortu zen Deustuko La Pasion parrokiaren borondatezko pertsonei esker. Elkartea  Bilboko Karitas Diozesiarrari lotuta dagoen erakunde bat da. Hemen, gizarte bazterketa jasaten duten pertsonak eta egoera larrian daudenak gizarteratzen saiatzen dira. Elkartearen helburu nagusia, gizarte bazterketa ekiditea bada ere, jadanik baztertuta edo oinarrizko premiak azaltzen dituztenei laguntzen diete.

Hasieran, “cafe y calor” proiektuarekin hasi ziren. Proiektu honekin, eguneko zentro bat ireki zuten. Bertan, boluntarioek berrogei lagunentzako laguntza eskaintzen zuten Caritas de la Pasion-en, kristau elkartearen eta pasiotarren diru laguntzari esker.

Mugak hautsi, handituz

Lagun Artean elkarteak, hasiera batean ez zeuzkan beharrezko laguntzak eskaintzeko mediorik, baina urteen poderioz beste elkarte edo beste finantza sistemak lortu dituzte, baita jende gehiagoren laguntza ere. Gaur egun, elkarteak, Bilbo osoan banaturik zentroak edukitzea lortu du. Zentro hauek; Aize Onak , Mendi Gane, GanekoGorta, Betania, Luzarra, Ramón y Cajal, Uretamendi, Basarrate, Blas de Otero, Hegaz, Iruña eta Etxezurin banatzen dira. Hauetan harrera diagnostiko eta soziala, gizarte laguntza, ikasteko aukera, aisialdiak edota tramitazio juridikoa egiteko laguntza eta ostatu eta premien estaldura eskaintzen diete.

Elkartean 19 profesionalek eta bertara azaldutako 57 boluntarioek laguntzen dute. Gainera, elkarteak hainbat ongileren babesa jasotzen du; Bizkaiko Diputazio Foralak zentroak eskaintzen dizkie , Euskal Herriko Gobernuak emakumezkoentzako pisuak, La Caixak tailer sozialak eta Bilboko udalak, BBKk, Antonio Menchaca de la Bodega eta Victor Tapia-Dolores Sainz fundazioak gaueko zentroak. 

Egungo egoera eta eskaintza

Zentroetara egunean zehar 70 bat pertsona inguru hurbiltzen dira, dutxatu, arropa garbitu, kartetan jolastu, zerbait ikasi edota jan zerbitzuak jasotzeko. Honela, Deustoko zentroetan, kaleetan egon litezkeen atzerritar eta behartsu asko ikusten dira laguntza jasotzeko zain. Eneritz Larrea, bertako bizilaguna da. Bere etxeko leihoak zentroa dagoen kalera ematen du, eta egunero ikusten du zenbat jende hurbiltzen den bertaraino. Eneritzek arraro bezala ikusten zuen egoera. Bere lehen urtea da zentro parean dagoen etxean bizitzen. Dioenez, “arraro” egiten da  30 pertsona inguru kalean ikustea arrazoia ezagutzen ez baduzu, baina informatu ondoren ikuspuntua “guztiz” aldatzen dela ziurtatzen du.

Beharrezko dutenei laguntzen

Langabezia, dokumentazio falta, integrazio laboralerako zailtasunak edota droga arazoak direla eta, zentroetara egunero joaten diren pertsonak daude. Omar Saar, hogeita bi urteko marokoarra da eta duela bi urte Euskal Herrira etorri zen bizitzera. Printzipio batean Nafarroako herri txiki batean bizi zen bere anaiarekin baina, duela sei Bilbora etorri zen. Sei hilabete horietan kalean bizi izan zen azken bi hilabete hauek arte. Harrezkeroztik zentrora egunero hurbiltzen da bertako laguntza zerbitzuak egunero jasotzera. Honek lagun artean ematen dioten laguntza zerbitzuak salbazio bezala ikusten ditu. “Hemen tratatzen nautenetik askoz hobeto sentitzen naiz”. Dioenez, zentroan beharrezko duzun esparruan laguntza aurkitzen laguntzen dizute eta beharrezkoak diren dutxak eta janak ematen dizkizute. Omarrek bermatzen duenez, oso gustura dago. 

Zentroko baldintzak, laguntza beharra

Egoera txarrean dagoen edozein onartzen dute zentroan. Bertaratutako guztiei lagundu eta ahalik eta ondoen tratatzen saiatzen dira egunero. Amaia Porres, Lagun Arteaneko zuzendariak hasieretatik dihardu gehien behar dutenekin lanean. Honek lan gogorra den arren, merezi duela dio. Azaldu duenez, momentu honetan, 32 plaza dituzte aterpetxean eta 65 plaza bizilekuetan. Argitu duenez, Tailerretara  aterpetxera baino  jende gehiago joaten da, urtean zehar 80 pertsona izaten dituzte gutxi gora behera. Egunero berriz, zerbitzu irekietara  70-90  pertsona bitartean joaten direla esplikatu du.

Batzuen bihotz onak eta beste batzuen diruak jende askoren bidea erraztu eta batzuetan askoren bizia salbatu ere egiten du. Elkarteko zuzendariak, proiektu miresgarria dela eta  poliki bada ere aurrera eginez jarraituko dutela ilusioz azaldu du.   

Bernabeun mamuaren boladarekin

Santiago Bernabeuko partiduan Bartzelona irten zen garaile. Madrildarren etxean jolasten bazuten ere, ez ziren pentsatutakoa bezain urruti heldu.  BBVAa ligan jokatzen den hamaseigarren partidua zen honakoa. Honela Blaugranen garaipenarekin, ligako klasifikazioan lehenengo postua lortu dute. Halere, Merengeak ez dira atzean gelditzen, puntuazio berbera baitute.

Madrileko estadioa azken aulkiraino bete zen. Afizionatuek bere ekipoen himnoak kantatzen edota jokalarien izenak oihukatzen hasi zuten partidua.  Madrildarrek argi zuten etxean jolastea abantaila zela eta ia ziur zeuden partiduaren garaipena beraiena izango zela, baina markagailuak argi utzi zuen bezala ez zen horrela izan. Blaugranek berriz, urduritasun eta ikaraz hasi zuten partidua. Beraien ohorea borrokatu beharra zuten eta pare bat puntu lortu Zuriek klasifikazioan postua ez kentzeko.

Partidua Madrildarrek nahiko zuten bezala hasi zen. Hogeita bost garren segundoan,Valdesek gaizki gelditutako baloia Benzemarengana heldu zen eta honek, erremate txiki bat egin ondoren, Valsenen frontera zeharkatu zuen, markagailuan partiduaren lehenengo puntua idatziz.

Baina hau azkena izan zen zurientzat. Hogeita bederatzi garren minutuan, markagailuak berdinketa markatzen zuen. Alexisek, Messiren pasea aprobetxatu  baloia Madrildarren atean sartzea lortu zuen . Guardiola, Barçaren entrenadorea, pozez eta urduritasunez lehertu beharrean zegoen, Mourinho begiak ateratzearren.

Partidua aurrera zihoan, jokalariak gogotsu, borrokarako prest, berdinketa hautsi beharra zegoen. Hor etorri zen , 52. Minutuan Xaviren gola. Estadiotik zetozen hotsak ikaragarriak ziren, Kataluniarrak, poztez beterik, abesten eta jokalarien izenak behin eta berriz oihukatzen, etxekoak berriz, sufritzen.

Zuridunek, gogor saiatu ziren, etxean ohorea mantentzen, Casillasen golak gelditzeko saiakerak etengabeak ziren, baina esperantza guztiak 65. minutuan galdu zituzten, Dani Alvesek Fabregasi egin zion paseak blaugarrenen hirugarren gola ekarri baitzuen.

Honela, Bernabeuko mamuaren istorioak aurrera jarraitu du, Kataluniarren klasifikazioan hiru puntu eta Madrildarrenean bakarra gehituz.

Komunikabide ezberdinak, hizkuntza berdina

Euskararen zein euskalkien erabilera bultzatzen saiatzen dira Lekeitioko komunikabideak

A. Galletebeitia

Herri txikia, infernu handia, dio esaera zahar batek. Zergatik ote?

Esan ohi da, herri txikietan, Lekeitio bezalakoetan, berriak azkar asko zabaltzen direla. Zerbait gertatu bezain pronto, bazter guztietara hedatzen da albistea. Bertako biztanleek berria zabaltzeaz gain, komunikabideak ere lan horretaz arduratzen dira. Milaka albiste egon daitezke, baina guztiak euskara hizkuntza bezala hartuta. Kasu honetan, Lekeition hiru komunikabide mota aurkitzen dira euskaraz zein lekeitiarrez aritzen direnak; Arrakala irratia, eskualde-mailako Hitza egunkaria eta Zer Esana gazte agerkaria. Esan ohi den bezala, lehen berba euskaraz.

Euskaraz oso zaila da produktu bakarrarekin jende askorengana iristea. Kostaldeko herrialde honen kasuan, euskal hiztunen ehunekoa handia da, %86koa. Edozein komunikabide bezala, hiru hauek ere, euskaraz irakurtzera edo entzutera bultzatu nahi dute. Guztientzat da garrantzitsua gertutasuna eta hurbiltasuna azaltzea irakurle edo entzulearekiko.

Duela bederatzi udazken sorturiko euskara hutsezko egunkaria da Lea Artibai eta Busturialdeko Hitza edo Hamaika Barri. Egunkari hau, Lea Artibain, Busturialdea eta Mutrikun banatzen da, bertako berriak eskainiz. “Gure helburua irakurleei gertutasuna erakustea da, beraiek ikustea eta sentitzea gertatzen den gauza oroz informatu nahi ditugula”, azaldu du Leire Akarregi Hitzako langileak. Hain zuzen ere, 21.000 irakurle dira hurbiltasun hori sentitzen dutenak. Jadanik, bederatzi urtetan 7.000 ale baino gehiago argitaratu dute eta “oso pozik eta arro” azaltzen dira egunkariko langileak. Konpromiso handia hartzen dute euskal hiztunekiko, hauek baitira beraien hartzaile azpimarragarrienak nolabait esatearren.

Duela hiru urte, Arrakala irratiak euskararen erabilera bultzatzea erabaki zuen. Horrela, euskara hutsean emititzea erabaki zen, batez ere lekeitiarrez. Dena den, Unai Urkiaga Arrakalako langiliak argi utzi nahi du, saioren bat egiteko prest legokeen norbaitek euskaraz ez baleki, ez litzatekeela arazo bat izango, irratian lan egiten duen edonoren laguntza edukiko bailuke.

“Arrakala irratia 1985. urtean sortu zen eta ordutik gaur egun arte, ez du Udalaren laguntzarik izan, lokala eskaintzeaz nahikoa izan zutelakoan”, gaineratu du Unai Urkiagak. Arazoei aurre egiteko, Antzar Egunean eta inauteri jaietan jarritako txosna eta kuoten bitartez, antena berri bat eta emisio tresnak erosteko adina diru lortu zuten duela urte batzuk.

Beraien blogean azaltzen denez, astero berrikuntzaz beteriko programazioak eskaintzen ditu, horien artean, Aittitta Raduga, Kitzika musika saioa, Potxuak Saltsan eta Azkueren ipuin bilduma irratsaioak. Horrez gain, irratsaio horien barruan beste atal batzuk bereizten dira. Esaterako, “Spaghettijaz haratago” atala, non ikasleei, ikasten ari diren pisuan prestatzen duten janariez hitz egiten zaien.

Azken komunikabideari dagokionez, Zer Esana gazteen komunikazio taldea da. Gozatu, trukatu eta ezagutu lelopean, gazte agerkari honek argi utzi nahi du Lekeitiarrentzako komunikatzeko modu bat dela Zer Esana. Talde hau Lekeitioko gazte guztiek osatzen dute eta beraien parte hartzeak aurrera jarraitzea egiten du.

Honen bidez, norbere iritziak aldarrikatu daitezke, jende berria ezagutu, hainbat gauza trukatu… baina guztia gozatuz. “Gazteen arteko komunikazioa aurrera ateratzeko adibide garrantzitsuena eta ezagunena Zer Esana eguna da” esan digu Nahia Grande Zer Esanako kideak. Horrez gain, beste hainbat ekintza egiten dituztela ere esan digu, esaterako; gauetan tabernetan gelditzen dira filmak ikusteko eta ondoren eztabaida txikiak egiten dituzte iritziak trukatzeko, sagardotegira ere irteerak egiten dituzte, jokoak, etab.

Egia da, azken bi hamarkadetan Euskal Herriko komunikabideetan euskara asko nabarmendu dela. Lehen, komunikabideak euskaraz eskaintzea beharrezkoa zen, eta oraindik horrela jarraitu beharko luke, euskarak etorkizuna izan dezan. Baina zoritxarrez, jadanik, euskarazko komunikabideen iraupena zalantzan jartzen da eta horretarako soluzioa aurkitu beharra dago.

Mendeko partiduan, blaugranek irabazi

 M. Ezkerro

“Mendeko partidua” bezala izendatzen zutena, pasa den larunbatean izan zen Real Madril eta Bartzelonaren harteko partidua. Santiago Bernabeun jokatu zen partidua eta etxetik kanpo izan arren, blaugranek haien nagusitasuna erakutsi zuten 1-3ko emaitza eskeiniz.

Hasi bezain pronto, 25. segunduan, txuriek aurrera egin zuten markagailuan Benzemaren golari esker. Lehen jokaldian, Bartzelonak bere eremuaren atzealdetik jokatzen hasi zen baina Valdes-ek Abidali pasa nahi izan zionean Di Mariak pasea oztopatu zuen. Txarto bota atera eta Busquets-en urruntze trakets baten ondorioz, Benzemak baloia hartu eta ez zuen aukera desprobetxatu.

Askok dioten bezala, oso goiz lortzen den gola ez du ia ezertarako balio, aurkarien moralera ia ez baita heltzen. Beranduago iritsi izan balitz, blaugranek desmoralizatuagoak egongo ziren, denbora gutxiago izango baitzuten markagailua iraultzeko. Ondo antzeman izan zen Bartzelonakoek aurrera egiteko gogoak zituztela Messi Casillas-en aurrean aurkitu zenean eta horrek behatz-puntekin baloia kanpora atera zuenean.

Hala ere, Guardiolaren mutilek Mourinhoren ofentsibari aurre egin behar izan zioten etengabe, Valdes-en trebetasuna agerian utziz. Batez ere, Ronaldo, Di Maria eta Benzemaren aldetik izan zen gauzatua ofentsiba hura.

Messi eta Xaviren artean, Barçak bere nagusitasuna aurkezten hasi zen Casillasi hainbat estutasunetan ipiniz. Bigarren gola 30. minutuan heldu zen Messiren trebetasunari esker. Argentinakoak zelai blaugranatik jokalari zuri anitzetatik ihes egin, Alexiseri pasa (Villaren ordezko gisa zegoena), eta areatik kanpo jaurtiz gola lortu zuen, postetik hurbil pasa zena (1-1).

Beste partiduetan bezala, ostikoen joan-etorriak egon ziren bi taldeen artean. Batez ere Alexis izan zen biktimarik esanguratsuena, Peperen aldetik pare bat ostiko jaso zituena. Messik txartel horia jaso zuen hainbeste kexatzeagatik. Liskarren artean Xavik blaugranen bigarren gola eskeini zuen. Urruntze defentsibo trakets baten ondorioz, Xavik baloia eskuratu eta areaz kanpotik jaurti eta Marceloren hankan errebotatu ostean, baloia sarean sartu zen egurra ikutuz (1-2).

Azken gola Alexisek eta Messik eragindako estutasun batzuen ostean (65. min) heldu zen. Fabregas izan zen azkenengoaren protagonista. Arearen albotik Alvesek erdiratu eta, trebetasunez, Fabregasek buruaz baliatuta gola sartu zuen (1-3), partiduari nolabaiteko amaiera emanez.

Putinen aldeko hauteskundeak salatzeko milaka herritar kalera atera dira

 M. Ezkerro

80.000 pertsona inguru atera ziren Moskuko eta Errusiako hainbat hiriren kalera errusiar hauteskundetan izandako irregulartasunen kontra mobilizatzeko. Egun Errusiako presidente den Vladimir Putin, 2000an boterera heldutakoa eta 2008tik lehen ministroa izandako, ez zuen inoiz horrelako oposizio herrikoia ezagutu. Izan ere, 90. hamarkadik ez zen horrelako mobilizazio herrikoirik ezagutzen.

Estatuko kate publikoak, NTVk, <<hamar milaka manifestariek ez dute iraultzarik nahi, baizik eta legezko hauteskundeak, iraultzak ekiditeko irtenbide hoberena dena>>, adierazi zuen. 30.000 pertsona bildu ditzazkeen Bolotnaia enparantza beteta zegoen eta inguruko portuetan eta lautadetan jendetza izugarria biltzen zen.

Oposizioko hainbat bozeramailek herritarrengana zuzendu ziren, bai ezkerrekoak bai liberalak, baita mugimendu nazionalista “Errusiarrak” batuz. Iabloko alderdiko Sergei Mitrokhinek adierazi zuen Vladimir Putin eta Dmitri Medvedev-ek beraientzako <<aurkikuntza desatsegina>> egin dutela, <<Errusiak herria daukala>>. Ministro liberal ohiak, Boris Nemtsovek, <<gaur hemen biltzen den jendetzak ez die utziko Putin eta Vladimir Churovi 12 milioi bozkak lapurtzen>>. Era berean, abenduak 5etik emandako aldarrikapenetan izandako atxilotuak askatzeko eskatu du.

Aipatzekoa da ere izan den presentzia poliziala. Ezohikoa zen erabat polizia kopurua. Ehundako komioi antimotinak FSBaren egoitzan (lehenengo KGB), Lubianka enparantzan, Pushkin enparantzan eta Moscovaren gaineko zubietan kokatzen ziren.

Preso politikoen eskubideen aldeko elkartasuna adierazteko baraualdia

 M. Ezkerro

Egin Dezagun Bidea ekimenak aste honetarako antolatutako baraualdiari LAB, STEE-EILAS, EHNE, HIRU eta ESK sindikatuek hasiera eman diote. Sindikatuen hogei bat partaide batu dira Ibaeta kanpusaren parean, "Euskal Presoen Eskubideen Alde. Baraualdia. U7-Bilbora" lemapean. Preso politikoen eskubideen aldeko ekimena datorren iganderarte burutuko da Donostiako EHUko kanpusean, hainbat eragile bilduz.

Baraualdiaren ostean, LABeko bozeramaileak, Ainhoa Etxaidek, eta STEE-EILASekoak, Arantza Fernandezek, PPri hainbat eskaera luzatu dizkiote. Lehenik eta behin, argi utzi nahi izan dute beharrezkoa dela “pausuak ematea gatazka politikoaren konponbidean”.

Etxaidek jakin nahi izan ea PPk jarraituko duen egun indarrean dagoen espetxe-politikarekin edota aldatuko duten, “espetxe-politikaren inguruan pausuak ematea premiazkoa baita, agenda politikoan aurkitzen dena”.

Euskal Preso Politikoen Kolektiboak konponbiderako emandako pausuak gogorarazi nahi izan ditu Etxaidek, indarrean dagoen espetxe-politika aldatzeko nahiko arrazoiak badaudela azpimarratuz, “estrategia errepresiboa garatzeko” sortu dena.

Preso politikoen eskubideen aldeko ekimena datorren iganderarte burutuko da Donostiako EHUko kanpusean, hainbat eragile bilduz. Gaur gazte elkarteek lekukoa hartuko dute, bihar irakasle eta ikasleak, etzi mugimendu feministak, ostiralean alderdi eta instituzioen lekukoek eta larunbatean mugimendua sozial eta herrikoiak. Ekimena igandean amaituko da, eguerdiko 12etan Donostiako Bouelvard-ean kontzentrazio batekin.

Katalanak garaile Klasikoan

Aitziber GALLETEBEITIA

Joan den astean jende gehienak hitz egiten zuen partidu Klasikoari buruz, ea nork irabaziko zuen, Real Madrilek edo Bartzelonak. Orain, aldiz, Pep Guardiolaren taldearen garaipenari buruz besterik ez da hitz egiten.

Partidua abenduaren 11n jolastu zen gaueko 22:00tan Madrileko Santiago Bernabeu futbol zelaian.

Nahiz eta Real Madrilek lehenengo minutuan gola sartu Benzemaren eskutik, Bartzelonak ongi egin zion aurre horri, markagailuan 1-3 jarriz.

Aurreneko jokaldian sartu zuen Mourinhoren taldeak gola aurkarien atean Victor Valdesen hutsegite baten ondorioz. Di Mariaren ongi eginiko pase baten ostean, Benzema jokalari trebeak 1-0 jarri zuen markagailua lehenengo minututik.

Lehen gola eta gero, Mourinho eta bere taldea pozik eta eroso sentitzen hasi ziren. 24.minutuan Cristiano Ronaldok saiakera ona izan zuen, baina ez zuen ongi aprobetxatu, jaurtiketa desbideratuak irten baitzion. Saiakera hori gertatu eta bost minututara Bartzelonako Alexis jokalari gazteak pilota eskuratu bezain pronto, lasterka hasi eta berdinketa lortu zuen Iker Casillasi gol dotore bat sartuz.

Atsedenaldiaren ondoren, 6 minututara hain zuzen ere, Xavik markagailua aldatzea egin zuen 1-2an jarriz. Ordurako ia blaugranak zelaian erraz egon ziren agintzen. Neurketako 16. minutuan Alexisek beste aukera bat izan zuen, baina Casillasek ongi baino hobeto gelditu zuen honen jaurtiketa.

Nahiz eta Mourinhoren taldeak aukera onak eduki izan, ez zuten ongi aprobetxatu. Dani Alvesek erdiraketa paregabe bat egin ostean, Cesc Fabregasek baloia eskuratu eta ez zuen aukerarik galdu,  baloia sarean sartu baitzuen.

Azkeneko gol honek garaipena eman zion talde Katalanari 1-3 paregabea jarriz markagailuan. Horrela, hiru puntu lortu ditu beraien aurkari historikoen etxean. Guardiolaren taldeak berriz ere lezio ederra eman die Madrildarrei.

ETAko preso ohiak Mobilizazio Popularra eskatzeko batu dira

Aintzane Gabilondo

ETAko kide izandako 400 lagun eta Batasuna eta ezkerra abertzaleko organizazioek etxeratzea lortzeko, mobilizazio popularraren deialdia egin dute. Helburu nagusia; Presoak eta iheslariak etxera ekartzea, eta “amnistia” lortzea.

Azpeitiako frontoian egin duten bileran, ezkerra abertzaleko buruak, Joseba Permachek, ETAko buru izandakoa, Eugenio Etxebestek, Arantza Zulueta abokatuak eta Jon Agirre Aguiriano preso ohiak burutu dute bilera. Hauek adierazi dutenez prozesu guztia aurrera eramaten ari dira nahi duten helburua lortzeko eta horri “amnistia” deritzote.  

Gehitu dutenez, Bilbon Urtarrilak 7rako presoen alde deituta zegoen manifestazioak “Lehenaldiaren eta etorkizunaren arteko diferentzia markatuko du” eta horrek, presoen etxeratzearen hurbiltzea ekarriko du. 

ETAren zulo bat aurkitu dute Abadiño inguruan

Aintzane Gabilondo

Abadiñoko inguru menditsuetako gordetegi batean, Ertzaintzak, ETAk bonbak egiteko erabiltzen zituen materialak aurkitu ditu bidoi baten barruan. Materialen artean, nitratoa, aluminioaren hautsa, tenporizadoreak eta detonatzaileak zeuden, guztiak erabiltzeko moduan, baina kontsideratu dutenez, zaharrak ziren.

Halere, diotenez, material guztiak ondo egotea susmagarria da, horregatik  zuloa berria izan daitekeela uste da.

Ertzaintzak azaldu duenez, txangozale bat inguruetatik zebilela, zuloa topatu eta Euskal Polizia Autonomora eman du abisua. Azken hauek, inbestigazio bat zabaldu dute.

Honezkero, bost dira aurten aurkitu dituzten zuloak. Guztiak Euskal Autonomi Erkidegoan eta Nafarroan topatu dituzte, azkena honako hau izan da, Abadiñon. 

Lehergailuak maneiatzen hildako terroristei ez zaie diru-laguntzarik eskainiko

A. Galletebeitia



PSE-EEko Jose Antonio Pastor bozeramaileak azpimarratu duenez, Eusko Jaurlaritza prestatzen dabilen abusu polizialen biktimentzako laguntzen dekretuak ez ditu bonbak manipulatzen hildako terroristak kontutan hartuko diru-laguntzak ematerako orduan.

Eusko Jaurlaritzak 2012an dekretu hau berretsi nahi duela azaldu du gaur buruzagi sozialistak Eusko Legebiltzarrean egindako prentsaurrekoan.

Pastorrek esan duenez, “oraindik ez dute zehaztu diru-laguntza horiek jaso dezaketen errolda” baina, azaldu beharreko txostenak bukatzen direnean, zeintzuk diren “benetako biktimak eta zeintzuk ez” ezarri beharko dituzte.

Gainera, PSEko buruzagiak, lehergailu bat maneiatzean hil diren terroristak ez direla biktimak izango azpimarratu du.

2012ko Aurrekontuen zuzenketak onartuko dituzte PSEk eta PPk

Aitziber Galletebeitia



PPko eta PSEko Legebiltzarreko taldeek 2012ko aurrekontuak aurrera aterako dituzte, Aurrekontuen proiektuari aurkeztutako zuzenketak onartuko baitituzte.

Aurrekontuen inguruan akordioa lortu ahal izateko, zuzenketak aztertzeko eta adosteko hainbat bilera egin dituzte azken egunetan Iñaki Oyarzabal PPko ordezkariak eta Rodolfo Ares Herrizaingo sailburuak Jaurlaritzak azaldu duenez.

Alderdi bien ustetan “egoera ekonomiko zail eta ziurgabetasun handikoan” aurkitzen dira. Beraien iritziz, jarduera arlo guztietan urritzea eragiten ari da egoera hori, diru sarrera fiskalak murriztuz eta langabezia handituz.

Akordio honi esker, sozialistek eta popularrek 2012ko EAEko Aurrekontuak onartuko dituzte, Legebiltzarrean egingo duten Osoko Bilkura berezian. Jada hirugarren urtea da Aurrekontuak onartuko dituztela PSEk eta PPk.

Lopezek indarkeriaren amaiera aztertu nahi du Rajoirekin

A. Galletebeitia

Patxi Lopez lehendakariak Rajoirekin batu nahi du, ETAk bere jarduera armatua behin betiko amaitzearen eta espetxe politikaren inguruan dituen asmoak zeintzuk diren jakiteko. Izan ere, lehendakariak ETAren desarmearen erabakiaren berri eman eta gero zabaldu den “askatasun eta elkarbizitza etapa berria finkatzeko” ekimenak aurkeztu nahi ditu.

Deiaren esanetan lehendakaria Rajoiren deiari itxaroten ari da bakea sendotzeko neurriak hartu baino lehen. Berriak aldiz, titular gisa “Lopezek espetxe politika aldatzeko eskatuko dio Raxoiri”, jarri du. Publico egunkariak ere antzeko titularra jarri du Twitterrean, “Lopez planteara a Rajoi modificar la política penitenciaria con los presos de ETA”.

“Espainiako hurrengo presidentearekin hitzordua egin dut iritziak elkarri eman eta sintonia handienarekin gai honetan aurrera eraman beharreko jarduerei ekiteko” esan du Lopez lehendakariak. Rajoiren asmoak zeintzuk diren jakin nahi ditu “puzzlea osatzeko”. Garak esan duen bezala, “Patxi Lopez esperará a reunirse con Rajoy para completar las piezas de este puzzle”.

EAJk eta PPk akordio historikoa sinatu dute

A. Galletebeitia

Jeltzaleek eta popularrek elkarrekin aterako dituzte aurrera 2012ko Bizkaiko aurrekontu publikoak. Gaur da lehen aldia EAJ eta PPk aurrekontu publikoak hitzartu dituztena. Hala ere, desadostasunak agerian gelditu dira sinaduran bertan.

Bizkaiko Batzar Nagusietan gertatu da. Alde batetik Unai Rementeria jeltzaleen bozeramailea eta bestetik, Esther Martinez popularren ordezkaria. Akordioa, Esther Martinezek eta Juan Maria Iruarrizagara eta Juan Maria Aburtua Presidentziako eta Ogasuneko foru diputatuek sinatu dute.

Jeltzaleen esanetan “akordioa ez doa aurrekontuetatik haratago”, akordioa datorren urteko aurrekontuei begirakoa dela azpimarratuz. Popularren esanetan, aldiz, “beharrei erantzun hobea emateko lehen urratsa” dela esan dute.

Tigresa eta bere bikotea EPPKtik kanpo

                        

Aintzane Gabilondo

EITB.com-ek bere webgunean adierazi duenez, Euskal Preso Politikoen Kolektiboak (EPPK), Idoia Lopez Riano “tigresa”  eta bere mutila Joseba Arizmendi, kolektibotik egotzi ditu biktimei barkamena eskatu izangatik.

Urte bete pasa da Idoiak Lopezek, banda terroristaren diziplinarekin amaitu zuenetik. Halere, EPPKko kolektiboak gaur arte itxoin du hau kolektibotik botatzeko.

Antena3.com/noticias-ek jakinarazi duenez, kolektiboak, ETAko bi kide hauen kanporatzea EPPKo listen bitartez eman du argitara. Kolektiboak hartu duen erabakiarekin, bi taldekideak presoen solidaritateko esleipena jasotzeari utziko diote, beraien familiak bandako abokatu eta bestelako laguntzetatik kanpo utziko dituzte  eta beste ETAko kide guztiekin harremana edukitzeari utzi beharko diote.

Bi taldekideek sinatutako Damu Gutunarekin Euskal Herriraino hurbiltzea lortu zuten. Halere, beraien ekimen odoltsuak direla eta, biak preso jarraituko dute lehen graduan.

Amaiurreko koalizioak sei diputatu lortu ditu kongresuan

Aintzane Gabilondo

Eskerra Abertzaleak, Eusko Alkartasuna, Altenatibak eta Aralarrek osatzen duten koalizioak zazpi eserleku lortu ditu EAEko ordezkaritzan. 

Koalizioak ordezkaritzak lortu ditu 4 herrialdeetan. Gipuzkoan hiru ordezkari, Bizkaian bi, Nafarroan bat eta Araban bat .Honela Amaiurren gehiengoarekin, Eskerra Abertzalea berriz ere egongo da Kongresuan 15 urteren ondoren.

Gainera, aurten da lehen aldia bi talde abertzalek Espainiako kongresua osatuko dutela, Amaiur eta Geroa Bai. Azken alderdi honek botoen zenbaketaren azkenetan ezusteko eman zuen eta diputatu bat lortu Uxue Barcos. Honela UPN-PPri kenduko dio zeukaten diputatua beste agintaldi batean koalizio hau egon dadin. 

 

Bozketa honela gelditu zen atzo: 

Espainian berriz, PPk irten da garaile, gehiengo absolutuarekin.